About Us

Perfil Badak GERHANA.....

GERHANA katak oraganizasaun explora no prezerva natureza, hanesan organizasaun neebé mak hala’o aktividades natureza livre nian. Lokaliza iha Suco Comoro, Posto Administrativo Dom Aleixo, Municipio de Dili. GERHANA estabelisidu iha loron 12 de Dezembro de 2013 ho objektivu atu partesipa no kontribui ideia, aksaun no esforsu tomak ba dezenvolvimentu rai-Timor no nasaun ho espiritu voluntarismu liu-hosi desenvolve karakter geração Timor-oan neebé utiliza natureza livre nuudar meius ba edukasaun (eskola ba moris).

Em principio GERHANA katak koleksaun Timorese neebé mak hadomi ho talentu moris natueza livre nian. GERHANA hanesan organizasaun ida ho nia regulamentu no normas karateristika, tantu ho eskrita ou non-skrita neebé obrigadu atu kumpri no obedese hosi nia membru sira.

Em geral vizaun GERHANA nian sai hanesan organizasaun ida hodi eduka prinsipalmente membru GERHANA, nune’e bele moris turi valores no prinsipius neebé vigora ona ho objektivu hodi forma personalidade Timor-oan ida neebé independente, forsa, firme, verdadeiro nasionalista, fiar metin ba Maromak no haburas nia historia no kultura rasik hanesan identidade Timor nian.

Iha implementasaun bazeia ba ninia-objektivu GERHANA iha aktividades-4 (haat) mak hanesan:

1.      Explorasaun Natureza

2.      Edukasaun GERHANA

3.      Sosial-kultura

4.      Prezervasaun ambiente no natureza

Moris iha natureza livre (ai-laran, foho, fatuk-lolon, fatuk-kuak, luta hasoru korente mota-boot) 

konsiente ou lae, sertamente sei-fo influensia ba karakteristika ema-ida nia moris. 

Infrenta obstakulus oi-oin halo aventura iha natureza livre sei halo ema sai firme, 

la fasilmente dezenkorajadu. Iha grandeza natureza livre nian, beleza bele mos nia krueldade, 

pesoal GERHANA sei konsiente Grandeza Maromak Kriador do Universu nian. 

Aventura ba natureza livre mak maneira GERHANA eduka no dezenvolve karakter humana 

ou nia-membru rasik.